Um Fjárhúsið

Fjárhúsið endurskoðun ehf. byggir á traustum grunni og langri reynslu í bókhaldi, endurskoðun og tengdri fjármálaþjónustu. Fyrirtækið á rætur sínar að rekja til sameiningar rótgróinna aðila í faginu sem höfðu starfað um árabil, hver á sinn hátt, en sameinuðu krafta sína til að mynda sterkari og heildstæðari þjónustueiningu.

Með sameiningunni varð til fyrirtæki sem býr yfir auknum styrk, dýpri þekkingu og víðtækari reynslu en áður. Starfsfólk Fjárhússins hefur áratuga reynslu í bókhaldi, ársreikningagerð, framtalsgerð, umsýslu og ráðgjöf, auk góðrar innsýnar í rekstur fyrirtækja af ólíkri stærð og gerð.

Fjárhúsið hefur markvisst þróast með þörfum viðskiptavina að leiðarljósi. Í dag starfar fyrirtækið í rúmgóðu og hentugu húsnæði við Skútuvog 13 í Reykjavík, þar sem lögð er áhersla á fagleg vinnubrögð, skýra upplýsingagjöf og persónulega þjónustu.

Við bjóðum viðskiptavini velkomna að heimsækja okkur og fara yfir sín mál í opnu og traustu samtali. Þjónusta Fjárhússins nær til fyrirtækja jafnt sem einstaklinga í rekstri og spannar meðal annars bókhald, endurskoðun, skatta- og fjármálaráðgjöf. Markmið okkar er að vera áreiðanlegur samstarfsaðili sem styður viðskiptavini í daglegum rekstri og lengri framtíðarsýn.